Mulabukane Kutha Nganjuk

WACANA !!!

MULABUKANE KUTHA NGANJUK

Miturut sejarah, nalika taun 929 ana ing desa Candirejo, Kecamatan Loceret, Kabupaten Nganjuk ana kedadeyan perang gedhe antarane prajurit Mpu Sendok mungsuh pasukan saka Melayu utawa Sriwijaya.

 Saurute pesisir lor pasukan Sriwijaya tansah menang, nanging perang Ing Nganjuk pasukan Sriwijaya kalah karo bala prajurit Mpu Sendok. Menange Mpu Sendok amarga dibiyantu karo warga desa sakiwa tengene. Mpu Sendok amarga menang karo pasukan Swirijaya diangkat raja kanthi gelar Sri Maharaja Mpu Sendok Sri Isanawikrama.

          Wolung taun sabubare perang Mpu Sendok arsa gawe tugu lan candi kanggo pengeling-eling. Mpu Sendok uga rumangsa nduwe utang budi marang warga desa banjur maringi lemah perdikan tegese lemah utawa wilayah sing ora kenatarikan pajak. Lemah perdikan iku diparingi jeneng “Anjuk Ladang”. Anjuk tegese dhuwur utawa oleh kemenangan sing gedhe. Ladang tegese lemah utawa sawah. Dadi tegese Anjuk Ladang yaiku lemah olehe menehi Sri Maharaja amarga menang ing peperangan. Sakbanjure kanggone wong Jawa yen muni anjuk rada kangelan terus ditambahi ng malih dadi Nganjuk nganti seprene. Owah-owahan kaya mengkono iku diarani owah-owahan kanthi cara morfologis.

          Kanthi panelitian kang premati kang katindakake dening L.C Damais ing candi lor ditemokake prasasti kang nyebutake Kutha Ngajuk iku tanggal 10 April 937 M. Kanthi SK Kepala Daerah Tingkat II Kab. Nganjuk Nomor. 495 taun 1993.

SEJARAH PEMERINTAHAN KABUPATEN NGANJUK.

Taun 1811 ing Kab. Nganjuk ana 4 Kabupaten yaiku :

1.     Kabupaten Berbek

2.     Kabupaten Godean

3.     Kabupaten Nganjuk

4.     Kabupaten Kertosono

Nalika taun 1852 patang kabupaten iku didakekake siji dadi Kabupaten Berbek. Bupati sepisanan yaiku KRT Sosrokoesoemo I (Kanjeng Jimat).

     Taun 1880 KRT Sosrokoesoemo III nalika mrentah Kabupaten Nganjuk mindah Ibukota (pusat) pemerintah kabupaten menyang Nganjuk. Pindhae Ibukota kabupaten dilandhesi menawa kutha Nganjuk ing tembe mburi bakal dadi kutha sing rame, cedhak karo dalan sepur Surabaya-Solo, saengga gampang anggone golek transportasi lan sesambungan karo njaba wewengkon.